Kompetansemekling er hjelp med forskingsmidlar og forskingsmiljø – utan kostnad for bedrifta di. Målet med kompetansemeklinga er å auke graden av forsking og utvikling (FoU) i bedrifter som har potensiale for auka verdiskaping gjennom tettare samarbeid med FoU-miljø.

 

Hovudaktiviteten til VRI er å identifisere bedrifter som har potensiale for å gjennomføre FoU-prosjekt i samarbeid med kunnskapsmiljø. Deretter medverke til å identifisere og definere prosjekt, kartlegge moglege finansieringskjelder, og vidare til sist få prosjektet realisert.

 

Kompetansemeklarane til VRI Sogn og Fjordane kan hjelpe di verksemd med å:

- Skape nye produkt

- Forbetre eksisterande produkt

- Opprette kontakt med nye kundegrupper og marknadar

- Utvikle design

- Drive organisasjonsutvikling

- Kompetanseheving og fagleg oppdatering

- Knyte nasjonale og internasjonale kontaktar (eksempelvis gjennom Enterprise Europe Network)

- Opprette nettverk

- Søke om skattefrådrag for innovasjonsprosjekt gjennom SkatteFUNN-ordninga

 

Kompetansemeklarfunksjonen

Kompetansemeklarfunksjonen fangar også opp initiativ som fell utanfor dei prioriterte fokusområda. Kompetanseklarane og temaleiarane har ei proaktiv rolle.

 

Dei skal støtte bedriftene med praktisk utforming av prosjektplanar og hjelpe til med rekruttering av eksterne fagfolk som kan kvalitetssikre planen og bidra til effektiv prosjektgjennomføring.